Ƀơi mông ngă bruă, tơdơi kơ hmư̆ pô pơ ala mơ̆ng Kơnuk kơna hăng Grup khua wai lăng lăi pơthâo glăi bruă ngă tui hăng lăi pơthâo tơlơi pơtŏng glăi blung a mơ̆ng Grup wai lăng pơplih phrâo jơlan hơdră pơtô hrăm, hơdrôm hră pơtô čơđai, khua mua amăng grup hăng ƀing pơ ala hơmâo bơkơtuai kơ hơdôm tơlơi hơmâo amăng 2 pok hră lăi pơthâo. Amăng anun hơmâo bruă kah hăng pơtŏng glăi Jơlan hơdră abih bang hăng hơdôm jơlan hră pơtô mơ̆ng rim tơlơi hrăm; bruă pơplih phrâo hơdră pơtô pơblang, pơsit anŏ klă bruă pơtô hrăm; bruă čih pơkra, pơsit, ba sĭ hăng nua sĭ hơdrôm hră; Tơlơi hơmâo sit nik hăng tơlơi rơkâo đĭ hăng bruă bơdjơ̆ nao kơ ƀing nai pơtô; gơnam pơtô hrăm tui jơlan hơdră pơtô hrăm phrâo...Pô pơ ala kơ Ding jum pơtô hăng pơjuăt, hơdôm ding jum bơdjơ̆ nao hăng Kơ-iăng khua dêh čar ơi Trần Hồng Hà pơhmư̆, lăi glăi hơdôm tơlơi hơmâo ƀing khua wai lăng lăp đing nao.