Rơwang bruă rơgao, Khul hlăk ai kơsung nao pơ anăp tơring čar Dak Lak hơmâo pơtrut ngă bruă kiăng djru ba ƀing gơ̆p amăng khul. Amăng 5 thun hơmâo jak iâu pơčruh 9 klai 200 klăk prăk. Mơ̆ng Keh prăk anai, djru man pơdong phrâo, ming pơkra glăi 140 boh sang khăp pap, jao 171 pok hră pơkrem prăk, brơi hơdôm rơbâo anung prăk blơi gơnam ƀơk kơ ding kơna tơnap tap.

Hlăk ai kơsung nao hơđăp djop tơring glông hơmâo pơčruh hrom prăk anăn Hơdor tơngia kơ ƀing gơ̆p pơ kual plơi pla rơbêh 4 klai 300 klăk prăk, djru kơ lu sang anŏ ding kơna tơhan kơsung nao hơđăp hơmâo prăk tuh pơ alin bơwih ƀong huă, pơklaih mơ̆ng ư̆ rơpa hơđong kjăp. Amăng rơwang bruă phrâo, bruă mă mơ̆ng Khul ăt djru pơsir lu jơlan hơdră pioh gum ba ƀing hlăk ai kơsung nao hơđăp, pơtrut kơtang hăng pơđĭ tui boh tŭ yua amăng bruă mă djru ba hlăk ai kơsung nao hơđăp bơwih ƀong huă pơčeh thâo rơgơi hăng yua kơ tơlơi khăp hơdor tơngia glăi kơ ƀing gơ̆p-rĭm ding kơna hơmâo ngă lu bruă hiam klă.