Hrơi jơnum hơmâo lu bruă kah hăng pơplông pơhrup nưh; pơtô ruah bruă kiăng hrăm; tơlơi ngui ngor, pơhiăp tom hăng pô ƀing čơđai khăp ƀu-eng, brơi prăk kơ čơđai hrăm rơgơi sang anŏ tơnap hăng “čơđai 3 mơta tơlơi klă”. Rơbêh 1.500 čô čơđai ƀơi hơdôm boh sang hră gưl 3 plơi prong Buôn Ma Thuột hơmâo pơbưp nao rai. “Čơđai sang hră 3 mơta tơlơi klă” (hơmâo tơlơi pơmin hiam, hrăm rơgơi, kơjăp pran jua” jing bruă phun amăng bruă hlăk ai hăng bruă hlăk ai sang hră gưl 3.

Hluai tui bruă jơnum kiăng ƀuh, bơni hăng pok prong tui mơnuih hơmâo kơnuih, hrăm rơgơi, čơđai hơmâo hră bơni “Čơđai sang hră 3 bruă ngă hiam”, ngă phun tơhnal kiăng čơđai dưi kiăo tui bruă “Čơđai sang hră gưl prong 5 tơlơi klă”, “Čơđai sang hră 3 mơta tơlơi rơguăt bruă” ƀơi anih hrăm prong hloh. amăng thun anai, Khul hlăk ai Dêh čar ngă hrŏm pơphun hrơi Jơnum ngui “Čơđai sang hră 3 tơlơi klă” ƀơi 10 boh tơring čar, ƀon prong.