Mơguah lơ 2/8, pô pơ ala brơi Khua mir sir, Đại tá Trương Minh Đương- Khua kông ang tơring čar Lâm Đồng hrŏm hăng ƀing kơ-iăng khua kông ang tơring čar Lâm Đồng hơmâo jao miđai wai pơgang lŏn ia mrô III brơi 3 čô kông ang wai lăng jơlan glông, hơmâo Trung tá Nguyễn Khắc Thường, thiếu tá Lê Quang Thành hăng Đại úy Lê Ánh Sáng djai yua lŏn dor lơ̆m glăk mă bruă ƀơi jơlan čun čoe Bảo Lộc.

Tui anun, khua mua Kông ang tơring čar Lâm Đồng hơmâo nao tơl sang rĭm čô kông ang djai pơsăn drơi kiăng jao miđai wai pơgang lŏn ia mrô III brơi kơ sang anŏ ƀing gơñu. Ƀing kông ang hơmâo jao miđai yua hơdôm bruă mă truh kih, pơgôp amăng bruă pơjing xã hội chủ nghĩa hăng wai pơgang lŏn ia. Anai lĕ tơlơi hơdor tơngia, pơpŭ bơni mơng Ping gah, kơnuk kơna hăng mơnuih ƀon sang hăng ƀing mơnuih djai pơsă drơi amăng pơjing hăng wai pơgang rơnuk rơnua lŏn ia. Tui Đại tá Trương Minh Đương: amăng thun blan mă bruă ƀing kông ang Nguyễn Khắc Thường, Lê Minh Thành hăng Lê Ánh Sáng lêng pơdah prong gơgrong, pơgiong bruă jao.