Amăng anun, Jơlan hơdră “Blan tlâo giăm guai” gưl gơnong glông ƀơi 3 boh tơring čar Lạng Sơn, Quảng Trị hăng Kiên Giang. Lu gơnam yôm phăn hơmâo Khul grup jao brơi ling tơhan wai pơgang guai, mơnuih ƀon sang hăng hlăk ai ƀơi hơdôm boh ƀon lan giăm guai 3 boh tơring čar Lạng Sơn, Kiên Giang, Quảng Trị anun lĕ: ƀơk gơnam brơi sang anŏ tui hơdră djru hăng ƀing čơđai sang anŏ tơnap tap, djru brơi phun kram amăng hơbô̆ bruă “Pla kram giăm guai Việt Nam”.

Sit biă ñu, pok pơhai hơdôm ring bruă hăng abih tih nua ñu rơbêh 7 klai 200 klăk prăk. Kơnong ƀơi tơring čar Lạng Sơn, hơdôm bruă hơdor tơngia kơ mơnuih djru hơkrŭ, pok pơhai lu ring bruă, bruă mă mơng hlăk ai hăng nua ñu 4 klai 700 klăk prăk. Sa amăng hơdôm bruă hơmâo mơnuih ƀon sang hur har mut hrŏm lĕ khăm pơjrao, bơwih brơi tơlơi suaih pral, ƀơk  jrao soh sel brơi 500 čô mơnuih hăng hlăk ai čơđai anet sang anŏ tơnap tap ƀơi amăng jang Chi Ma, Lạng Sơn.