Amăng hră lăi pơthâo kơ tơlơi phiăn Sang dŏ čih pơkra glăi mơ-it đĭ kơ Jơnum min apăn bruă phun pơ ala mơnuih ƀôn sang dêh čar, Kơnuk kơna pơtong sit anŏ či kiăng pơhrua tui hơdôm mơta tơlơi pơkă tong ten kah hăng pơtong glăi, pơđut hĭ tơlơi dưi ngă pô sang dŏ amăng sang prong dlông tal lu sang dŏ hrom juâ̆t lăi chung cư sang dŏ hrom tơdah sang dŏ hrom anun ƀu djop tơlơi gêh găl dơ̆ng tah pơgang rơnuk rơnua kơ mơnuih dŏ amăng anun. Lu tơlơi pơgôp hiăp lăi lĕ, tơlơi pơtrun anai pơkă hrơi blan thun ngă pô sang dŏ hrom anun, hơmâo lu tơlơi pơkŏn pơdjơ̆ nao anŏ gêh găl hơđong rơnuk rơnua, kah hăng sĭ mơdrô nao rai ƀu djơ̆ hăng anih anom sĭ mơdrô, bơbeč prong kơ bruă sĭ mơdrô anih dŏ sang anŏ.

Hlâo kơ anun, Tơlơi phiăn sang dŏ thun 2014 hơmâo pơkă hrơi blan pơkă kơ sang dŏ hrom sit abih thun blan mă yua samơ̆ ăt dŏ kjăp hiam klă mơ̆, arăng khom ruh rơyaih hĭ, ming pơkra, man pơdong glăi. Samơ̆ hrơi blan kơ bruă ruh rơyaih hĭ, man pơdong glăi sang dŏ hrom anun ƀơi kual plơi pla, boh nik ñu plơi pla či Hà Nội, ƀôn prong HCM kaih biă mă yua bưp lu tơlơi tơnap tap.