Jơnum anai hơmâo 35 pok hră čih lăi pơthâo tơlơi pơčeh phrâo djru hrom mơ̆ng lu mơnuih rơgơi kơhnâo, ƀing mơnuih kơsem min čih pơkra jơlan hơdră tơlơi phiăn gah lŏn mơnai. Jơnum anai pơtum nao boh yôm phun hlăk tŭ mă lu tơlơi đing nao mơ̆ng djop gưl mơnuih mơnam, anom bruă wai lăng, akŏ bruă mă yua lŏn mơnai; mă glăi lŏn, duh glăi lŏn, djru, akŏ pơdong glăi plơi pla hăng mă yua kơ bruă pơkŏn;

hơdră či mă yua lŏn; prăk kăk yua lŏn, rơnoh pơkă yua lŏn hăng pơsir tơlơi bơrơsua, ngă rơđah tơlơi glăm ba, bruă khom ngă mơ̆ng anom bruă pơkă hnong yua lŏn; pok prong tơlơi dưi kơ mơnuih mă yua lŏn, tŭ mă tơlơi djru duh glăi, man pơdong plơi phrâo, atur tơlơi phiăn pơkă kơ bruă yua lŏn, wai lăng lŏn mơnai tui hăng rơnuk sĭ mơdrô phrâo; anŏ aka ƀu găl hăng hơdră pơsir sit hơmâo tơlơi bơrơsua lŏn mơnai.