Jơnum anai tŭ ư hăng pơsit, kual Dap Kơdư lĕ anih anom yôm biă mă kơ bruă pơgang lŏn ia, tơlơi rơnuk rơnua; hơmâo na nao tơlơi či rung răng amăng bruă pơgang lŏn ia; bruă pơgang rơnuk rơnua pơ plơi pla lĕ sa bruă mă yôm hloh amăng bruă pơgang dêh čar, wai pơgang hơđong mơ̆ng gưl să, phường, amra pơgang hơđong đơ đam dêh čar. Pơđĭ kyar bơwih ƀong huă, gru grua thâo thăi mơnuih mơnam, pơgang rơnuk rơnua hăng pơtom hiăp lĕ sa jơlan hơdră phun kiăng ngă hơđong amăng kual Dap kơdư.

Pơhiăp git gai jơnum, Khua gum bruă git gai ping gah dêh čar yă Trương Thị Mai lăi pơtong, tơlơi rung răng hơmâo amăng kual Dap Kơdư lơ 11/6 phrâo anai, bơbeč prong biă mă truh tơlơi hơdip mơnuih ƀôn sang djuai ƀiă ƀơi tơring čar Dak Lak hăng hơdôm tơring čar Dap Kơdư. Khua mua ping gah, kơnuk kơna đing nao biă mă brơi git gai, pơčrâo ba pơtrut bơwih ƀong huă, mơnuih mơnam, pơgang hơđong dêh čar amăng kual Dap Kơdư.