Mơng thun 2009 truh ră anai, Kơnuk kơna hơmâo pơphun 9 wŏt pok mơnă hlâo thun pơkă ƀrô hrơi pioh hơdor, ngă yang pơprong amăng lŏn ia, pok rơbêh 92 rơbâo čô mơnă, anai lĕ ƀing mơnuih thâo pơplih gơñu pô, gir mă bruă, hrăm tui anŏ klă hiam dưi pot glăi pơ plơi pla, mơnuih mơnam.

Thun anai, tui tơlơi rơkâo mơng Kơnuk kơna, Khua mir sir ơi Tô Lâm hơmâo kĭ tơlơi pơtrun pok mơnă hlâo thun pơkă thun 2024 ƀrô tal hơdor glăi 79 thun akŏ pơjing Kơnuk kơna hăng 70 thun pơklaih rơngai plơi pla jưh jom Hà Nội. Hăng ƀing mơnă dưi pok hơmâo: Ƀing mơnă glăk krư̆ hơmâo thun blan pơkă tong ten, ƀing mơnă chung thân hơmâo hrŏ trun jing mơnă krư̆ hơmâo thun blan pơkă, ƀing mơnă glăk krư̆ bruă ngă soh. Tơlơi pơtrun anai ăt lăi rơđah hơdôm tơlơi pơkă kiăng kơ dưi pok hlâo thun pơkă hăng ƀing mơnă.