Him lăng akŏ bruă dưm dăp giăm 33 anih anom gưl tơring glông hăng 1.327 anih anom gưl să amăng rơwang anai. Đĭ pơhiăp amăng mông jơnum, Khua git gai pơ ala mơnuih ƀon sang dêh čar ơi Vương Đình Huệ rơkâo tŏ tui pơgiong tơlơi pơtrun kiăng kĭ mă yua, amăng anun đing nao, sem lăng tong ten hơdôm anŏ yôm phara kơ gru grua, djuai ania, tơlơi đăo, tơlơi phiăn; laih dong tơlơi pơkă tong ten hơnong pơkă anih anom mă bruă tơdơi kơ dưm dăp.

Tơlơi pơtrun mơng Jơnum min apăn bruă Khua pơ ala mơnuih ƀon sang dêh čar kơ bruă dưm dăp anih anom mă bruă gưl tơring glông, să hơmâo dưm dăp lăp djơ̆ amăng hơdră pơđĭ kyar bơwih ƀong huă-mơnuih mơnam; djơ̆ hăng tơlơi rơkâo amăng pơjing lŏn ia kiăng kơ jing sa boh dêh čar tuh tia pơkra pơjing, pơplih phrâo, tui jơlan gah anăp nao xã hội chủ nghĩa.