Pơhiăp amăng mông jơnum lok 24 mơ̆ng Jơnum min apăn bruă Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar ta ơi Vương Đình Huệ lăi rơđah: bruă lăng tui mơ̆ng Jơnum min apăn bruă Khua pơ ala mơnuih ƀôn sang  kơ “Bruă ngă tui Tơlơi pơtrun pơsit mrô 88 thun 2014 Khua pơ ala mơnuih ƀôn sang dêh čar ta tal 13 hăng tơlơi pơtrun pơsit mrô 51 thun 2017 Khua pơ ala mơnuih ƀôn sang dêh čar ta tal 14 kơ pơplih jơlan hơdră, hơdrôm hră hrăm” yôm phăn biă, dưi hmâo mơnuih pơ ala hăng mơnuih ƀôn sang đing nao lu.

Khua git gai wai lăng pơ ala mơnuih ƀôn sang dêh čar ta rơkâo Jơnum min apăn bruă Khua pơ ala mơnuih ƀôn sang gum pơhiăp kiăng grŭp lăng tui kơsem min, tŭ mă hăng sit nik mă bruă hăng Ding jum pơtô pơhrăm hăng Gong gai dêh čar hlâo kơ lăi pơthâo kơ Jơnum min apăn bruă Khua pơ ala mơnuih ƀôn sang pơphun lăng tui amăng mông jơnum tui tơđar blan 8 pơ̆ anăp./.