Jơnum min bơwih ƀong huă pơphun jơnum mă tơlơi pơgôp hiăp kơ črăn tơlơi phiăn lŏn mơnai (čih pơkra glăi)
Thứ bảy, 07:00, 05/08/2023
VOV/Siu Đoan Pơblang
VOV/Siu Đoan Pơblang
VOV4.Jarai - Mơguah lơ 4/8, ƀơi Ƀrô Khua pơ ala mơnuih ƀôn sang dêh čar, Jơnum min bơwih ƀong huă pơphun jơnum mă tơlơi pơgôp hiăp amăng črăn tơlơi phiăn lŏn mơnai (čih pơkra glăi).
Amăng mông jơnum ƀing khua mua rơkâo brơi hơdôm akŏ bruă dưm dăp man pơdong mă yua lŏn mơnai hơmâo tơhnal pơkă laih dong hơdôm akŏ bruă dưm dăp prong ƀiă kiăng tŭ yap, pơsit brơi hlâo hơdôm akŏ bruă anet ƀiă. Tơdơi kơ lu wŏt mă tơlơi pơgôp hiăp amăng črăn tơlơi phiăn lŏn mơnai (čih pơkra), truh ră anai boh tơhnal bơdjơ̆ nao tơlơi pơkă dưm dăp man pơdong, akŏ bruă mă yua lŏn mơnai dŏ hơmâo lu tơlơi pơmĭn phara.
Tui ƀing khua mua ră anai, kiăng pơsir hĭ bruă dưm dăp man pơdong gưl dêh čar dŏ kaih, juăt rơnuč thun blung a amăng akŏ bruă phrâo, kah bruă mă yua lŏn mơnai hơmâo tŭ yap ngă tui, lơm anun tơlơi phiăn lŏn mơnai pơkă bruă mă yua lŏn mơnai gưl tơring glông lĕ hluai tui bruă pơhrui glăi lŏn, jao lŏn, brơi yua apah.
Viết bình luận