Tơlơi pơhing amăng mông jơnum bơkơtuai brơi thâo: Rơwang 2021-2025, prăk mơng jơlan hơdră pơkă mơng dêh čar amra mă yua 138 rơbâo klai prăk pioh đing nao pơđĭ kyar bơwih ƀong mơnuih mơnam kual djuai ania ƀiă hăng kual čư̆ siăng ƀơi 3.434 bôh să mơng 51 bôh tơring čar. Kơnong kơ kual Dăp Kơdư hmâo 521 bôh să, hăng 417 bôh plơi tơnap tap dưi čơkă mă.

Kiăng prăk mă yua djơ̆ bôh tơhnal, pok pơhai hơdôm jơlan hơdră, rơwang bruă mă yua prăk ba glăi bôh tơhnal prong, bơkơtuai hmâo pioh laih lu mông, lăi đĭ lu tơlơi gum pơhiăp jum dar hơdôm tơlơi: ngă hiưm hơpă ngă tui bruă mơng Jơnum min djop djuai ania mơnuih mơnam dêh čar Việt Nam hơdôm gưl amăng ngă tui hăng lăng tui bruă ngă tui Jơlan hơdră pơkă mơng lŏn ia pơđĭ kyar bơwih ƀong mơnuih mơnam kual djuai ania ƀiă hăng kual čư̆ siăng; pơđĭ tui bôh tơhnal lăng tui mơng mơnuih ƀôn sang pioh kơ hơdôm jơlan hơdră, rơwang bruă mă yua prăk./.