Khua mua apăn bruă Jơnum min djŏp djuai ania mơnuih mơnam Việt Nam phrâo pơtrun akŏ bruă mrô 676 kơ bruă hơduah tơña tơlơi pơgôp hiăp mơng mơnuih ƀon sang kơ Tơlơi phiăn lŏn tơnah (pơplih pơkra).

Tui anun, bruă mă tơlơi pơgôp hiăp Mơnuih ƀon sang kơ Tơlơi phiăn Lŏn tơnah (pơplih pơkra) khŏm ngă kiăng abih bang mơnuih thâo, djơ̆ lăp, rơđah rơđông; pơhlôm djơ̆ hrơi pơkă, pơhlôm klă. Mơng anun pơƀut abih bang, tơpă sit hơdôm tơlơi pơgôp hiăp mơng Mơnuih ƀon sang đah mơng lăi pơthâo glăi tañ hăng Kơnuk kơna wơ̆t hăng hơdôm anom bruă bơdjơ̆ nao.

Akŏ bruă lăi rơđah hơdôm tơlơi yôm phun kiăp tui rim grup hơmâo hơduah tơña. Grup abih bang mơnuih ƀon sang, Jơnum min djŏp djuai ania mơnuih mơnam Việt Nam djŏp gưl, hơdôm anom bruă ngă ding kơna, ƀing kơhnâo, mơnuih apăn bruă kơsem min, khul pơphô bruă mơng Jơnum min djŏp djuai ania mơnuih mơnam Việt Nam gum ngă abih bang bruă, abih bang tơlơi pơkă mơng Tơlơi phiăn. Tui hluai kơ tơlơi dưi mơn, rim grup hơmâo hơduah tơña pơƀut pơgôp hiăp dlăm hloh amăng hơdôm bruă rơđah rơđông, hrơi mă tơlơi pơgôp hiăp mơng Mơnuih ƀon sang kơ Tơlơi phiăn Lŏn tơnah (pơplih pơkra) truh abih lơ 15/3/2023.