Amăng mông jơnum, rơbêh 300 čô mơnuih apăn bruă amăng anom bruă hră pơhlôm nua mơnuih mơnam kual Dơnung hmư̆ lăi pơthâo hơdôm tơlơi pơkă phrâo hăng pơtă sa, dua boh tơhnam kiăng pơphun ngă tui ha amăng plĕ hơdôm hơdră djru mơng hră pơhlôm nua mơnuih mơnam, lơ̆m rơngiă bruă; bruă jŭ yap glăi mrô mơnuih, mrô prăk duh amăng thun 2022. Ƀing khua mua hơmâo pơčrông sai, hmư̆ tơlơi pơgôp hiăp mơng črăn dră kơ bruă duh prăk, bruă pơsir hĭ prăk duh amăng hră pơhlôm nua mơnuih mơnam, lơ̆m rơngiă bruă hăng hră pơ-ar črâo ba sa dua tơlơi pơkă phrâo.

Jơnum ăt pơčrông sai 2 hơdră duh glăi prăk ha wŏt amăng tơlơi phiăn hră pơhlôm nua mơnuih mơnam (čih pơkra) glăk mă tơlơi pơgôp hiăp mơng abih bang mơnuih. Tui anun, hơdră brơi mơnuih mă bruă mă glăi prăk 50 % amra pơhlôm brơi lăp djơ̆ tơlơi dưi mơng mơnuih ƀon sang.