Khua Gong phun pơtui jua pơhiăp Việt Nam hơmâo nao čuă, brơi 50 anung gơnam kơ mơnuih hơkrŭ lŏn ia glăk hơmâo čem rông ƀơi Anom bruă čem rông mơnuih djru hơkrŭ lŏn ia ƀôn prong ƀrô ngă lơphet 76 thun hrơi Tơkra tơhan djai pơsăn drơi (27/7). Pơhiăp ƀơi mông nao čuă, ơi Đỗ Tiến Sỹ hơdor glăi gru grua hing ang mơ̆ng tơhan hăng mơnuih ƀôn sang ta amăng rơnuk blah ngă.

Ƀrô hơdor glăi 76 thun Hrơi pơpŭ kơ tơhan rơka tơhan djai pơsăn drơi, ƀing ta jai thâo hluh dlăm tui hơdôm tơlơi gum djru prong prin amăng bruă truh kih mơ̆ng lŏn ia ta, hơmâo tơlơi djai brŭ prong biă mă mơ̆ng Tơhan sông kơtang djai pơsăn drơi, Amĭ Việt Nam sông kơtang, mơnuih djru hơkrŭ lŏn ia ta.