Tui hăng tơlơi rơkâo mơ̆ng lu tơring čar, bruă pơkă nua lŏn ƀơi sa dua anih ăt bưp lu tơlơi tơnap mơn kơ tơlơi dưi pơsit, bruă ngă hră pơ-ar, jing bruă pơkă nua lŏn kaih biă, bơbeč djơ̆ bruă tuh pơ alin. Kiăng pơsir brơi tañ hơdôm tơlơi dŏ gun mơ̆ng tơring čar amăng bruă pơsit nua lŏn, Khua dêh čar kiăng Khua ding jum kông ngă lŏn tơnah hăng ayuh hyiăng ječ ameč: Ngă giong hlâo kơ lơ 31/7/2023 bruă pơkra glăi, pơhrua tui hơdră pơkă nua lŏn; krăp lăng, pơtô brơi tañ kơ hơdôm boh tơring pơsir hĭ anŏ tơnap amăng bruă pơkă nua lŏn, pơsit nua lŏn.

Akŏ pơdong grup pel ĕp wai lăng, pơsir hĭ hơdôm tơlơi ngă tơnap kơ nua lŏn mơ̆ng tơring čar, ƀôn prong, anom bruă. Khua jơnum min mơnuih ƀôn sang hơdôm boh tơring čar ƀôn prong git gai pơkă nua lŏn, pơsit nua kiăo tui bruă kơnuk kơna jao, ngă tơpă, ƀu dưi lăi nao lăi rai, ƀu dưi ngă glêh tơnap, ngă kaih, bơbeč kơ bruă či tuh pơ alin...