Ră anai tơring čar Nam Định hơmâo rơbêh kơ 36 rơbâo čô tơhan, rơbêh 41 rơbâo čô tơhan rơka rơkač hăng tơhan duam ruă, giăm 3 rơbâo čô Amĭ Việt Nam sông kơtang, rơbêh kơ 10 rơbâo čô mơnuih blah ngă djơ̆ jrao hret. Pơhiăp ƀơi mông bưp, Khua dêh čar ơi Phạm Minh Chính brơi thâo, amăng bruă wai lăng tơlơi hơdip mơnuih ƀôn sang, hơmâo tơlơi yôm lĕ lăng ba mơnuih hơkrŭ lŏn ia ta.

Khua dêh čar lăi, lŏn ia găn rơgao lu rơnuk blah ngă, mă glăi tơlơi rơngai, tơlơi dưi kơ lŏn ia, amăng thun blan blah ngă, hơmâo lu mơnuih đuăi lui ƀing ta na nao laih, yua kơ Lŏn ia, hơmâo mơnuih glăi samơ̆ drơi jăn ƀu hiam dong tah, glăm ba tơlơi ruă răm ƀăm mơ̆ng rơnuk blah wang. Yua hnun, Ping gah, kơnuk kơna mah tơnap kar ƀơi tŭ mơn ăt git gai djru ba lăp djơ̆, juh alum pran jua, thâo pap hăng hơdôm tơlơi djai brŭ, rơngôt tui anai. Bruă gum djru ƀu prong tui hăng tơlơi rơngiă mơ̆ng ƀing tơhan, sang anŏ tơhan hơkrŭ ôh, samơ̆ tơdah dưi lĕ ta khŏm gir ngă abih pran jua yơh.Khua dêh čar ơi Phạm Minh Chính bưp mơnuih djru hơkrŭ lŏn ia tơring čar Nam Định.