Pơhiăp ƀơi mông jơnum, Khua dêh čar ơi Phạm Minh Chính lăi, FPT lĕ sa boh sang bruă bơwih ƀong sĭ mơdrô ba jơlan hlâo pơblih yua mrô ƀơi Việt Nam mơ̆ng thun 2016. FPT hrom hăng lu sang bruă sĭ mơdrô ia rơgơi phrâo pơkŏn ƀơi Việt Nam hơmâo yak rơbat ngă bruă lăp bơni biă mă, djru hrom ba anăn Việt Nam hrưn đĭ, jing anih bơngač kơ bruă pơkra ming gơnam yua boh thâo ia rơgơi amăng djop bruă.

Khua dêh čar lăi pơtong, găn rơgao lu bruă mă pơkra ming phần mềm, pơkra chip jing jơlan mă bruă djơ̆, găl hăng rơnuk yua tơlơi pơhing phrâo hmar ƀơi rŏng lŏn tơnah laih anun anŏ gêh găl ƀơi dêh čar ta mơ̆n. Khua dêh čar git gai Ding jum Pơtô hăng pơhrăm laih anun djop ding jum anom bruă ngă hrom FPT kơsem min, pơdah thâo hơdră pơtô hrăm brơi mơnuih thâo rơgơi mă bruă man pơdong lŏn ia Việt Nam hing ang hăng mơak klă.