Yă hơmâo 2 čô ană lĕ djai pơsăn drơi jăn kơ lŏn ia, ră anai ñu dŏ amăng sang hơdor tơngia. Ƀrô čơkă thun phrâo, Khua dêh čar nao pơpŭ kơ yă jing amĭ Việt Nam khin hơtai Lâm Thị Mèn thun phrâo hiam drơi jăn, pran jua, suaih pral hăng hok mơak tơphă hloh pioh pơtrut ană tơčô djă lui gru grua hơkrŭ, djru man pơdong plơi pla phrâo pơdrong asah.

Khua dêh čar lăi, Ping gah, Kơnuk kơna hăng  mơnuih ƀôn sang hơdor tơngia na nao kơ tơlơi pơgôp pran jua, tuh drah pơsăn drơi jăn mơ̆ng sang anŏ kiăng hơmâo tơlơi rơngai kơ lŏn ia; gir run lăng ba djru sang anŏ hơmâo ngă bruă hơkrŭ kiăng hơmâo tơlơi hơdip mơda bơkơnar hăng mơnuih ƀôn sang amăng plơi pla, anih dŏ.