Kông điện lăi rơđah: Kiăng pơgang tơlơi rơnuk rơnua jơlan glông nao rai amăng hơdôm hrơi rơnuč thun 2022, bơwih brơi kơ mơnuih ƀôn sang čơkă thun phrâo, mơak ngă yang thun phrâo Quý Mão hăng ngă yang čơkă thun 2023, Khua dêh čar Kơnuk kơna pơtrun hiăp Jơnum min wai pơgang tơlơi rơnuk rơnua jơlan glông dêh čar, djop ding jum, anom bruă, khul grup anom bruă kơđi čar, mơnuih mơnam hăng jơnum min mơnuih ƀôn sang djop tơring čar, ƀôn prong tui hluai tơlơi dưi, bruă mă khom git gai hăng pơphun ngă tui 8 mơta bruă:

Hơdră pơsir, kiăng kơtưn bruă pơtô pơblang, jak iâu mơnuih ƀôn sang hăng ƀing đĭ rơdêh ƀơi jơlan glông ngă djơ̆ tơlơi phiăn pơgang rơnuk rơnua jơlan glông, pơhrŏ hĭ tơlơi truh rơdêh pơjrom, kơđông jơlan, boh nik ñu jơlan nao rai phun, anih lu mơnuih pơtum jơnum tơlơi ngui ngor, ngă yang mơak; kơtưn hyu sem lăng, pel ĕp, pơsir tơpă tơlơi soh glăi rô nao rai ƀơi jơlan glông, pơđĭ tui tơlơi thâo amăng bruă mă, pơgang boh tŭ yua pơgiăng tuai rơnguai, kiăng djop brơi kơ mơnuih ƀôn sang nao rai mơak rơnuk rơnua.