Ƀơi hơdôm anih hơmâo nao čuă, ơi Hầu A Lềnh brơi thâo, Ping gah, Kơnuk kơna lêng kơ pơsir tui amăng ƀrư̆ hơdôm tơlơi truh răm ƀăm yua klin Covid-19 ngă. Amăng anun hơmâo tơlơi gum pơgôp prong mơng djuai ania ƀiă, wơ̆t hăng mơnuih djuai ania Khmer ƀơi ƀon prong Hồ Chí Minh. Mah tơlơi bơwih ƀong dŏ hơmâo lu tơlơi tơnap, samơ̆ Khua ding jum, Khua Jơnum min wai lăng Djuai ania đăo gơnang hăng tơlơi gir run, gum pơgôp nao rai abih bang, mơnuih ƀon sang ta amra dưi găn rơgao hĭ tơlơi tơnap, kiăng hơmâo tơlơi hơdip trơi pơđao yâo mơ-ak hloh amăng hrơi blan pơ anăp.

Khua ding jum, Khua Jơnum min Djuai ania kiăng sang čua hrŏm hăng gong gai plơi pla hăng ƀon prong Hồ Chí Minh pơtrut tui khul gum pơgôp djuai ania, wai lăng klă hloh, djru brơi hloh dong kơ mơnuih ƀon sang, mơnuih tui đăo phơ̆t, pơhlôm brơi tơlơi hơdip abih bang. Ƀrô tal anai mơn, Jơnum min Djuai ania hăng Jơnum min mơnuih ƀon sang ƀon prong Hồ Chí Minh brơi gơnam pơpŭ thun phrâo ƀơi hơdôm pra yang sang čua hăng 37 čô mơnuih hơmâo ană plơi Khmer đăo gơnang.