Amăng mông bưp, Khua mua pơ ala mơnuih ƀon sang ƀôn prong Hải Phòng hơmâo lăi pơthâo ƀơi anăp mơnuih ƀon sang boh tơhnal amăng jơnum lok 5, Khua pơ ala mơnuih ƀon sang dêh čar XV pơ anăp anai; bruă pơđĭ kyar bơwih ƀong huă - mơnuih mơnam; lăi pơthâo boh tơhnal mơng jơnum lok 4. Mơnuih ƀon sang ƀôn prong Hải Phòng hơmâo ba tơbiă lu bruă bơdjơ̆ nao hơdră pơtrut tơlơi hơdip mơda anun lĕ pơgăn hưp ƀong kông ngăn, yua khưi khai; pơtrut jao prăk tuh pơ alin bruă čar hăng hơdôm rơnoh prăk djru, hơkrŭ glăi bơwih ƀong; gum djru brơi anom bơwih ƀong sĭ mơdrô; pơđĭ kyar bơwih brơi tuai čuă ngui…

Lăi glăi tơlơi tơña mơng mơnuih ƀon sang bơdjơ̆ nao bruă pơsir hĭ tơnap tap brơi anom bơwih ƀong sĭ mơdrô kơ hơdră djru anom bơwih ƀong sĭ mơdrô hơđong tui ră anai, Khua git gai pơ ala mơnuih ƀon sang dêh čar ơi Vương Đình Huệ lăi pơtong: Kơnuk kơna mơ-it Khua pơ ala mơnuih ƀon sang dêh čar tŏ tui akŏ bruă pơhrŏ trun mă jia 2% tui hăng thun hlâo. Bruă pơhrŏ, pơhrơ̆i, lui hĭ mă jia jang jai, prăk duh ră anai. Yua anun, mah hơdôm bruă ƀơi anăp hăng sui thun, anăm jao glăi tơnap tap kơ mơnuih ƀon sang, anom bơwih ƀong sĭ mơdrô.