Ƀơi plơi prong hơđăp Quảng Trị, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ hrŏm hăng grŭp mơnuih hyu mă bruă hơdor tơngiă, djă pioh pran jua prong prin mơng ƀing Sông kơtang, pơsăn drơi hmâo tuh rơyuh pran jua amăng rơnuk blah ngă 81 hrơi-mlăm (blan 9/1972), tơlơi blah ngă hăng pơgang plơi prong Quảng Trị. Amăng bruă blah wang 81 hrơi mlăm kơtang tit anun, hơdôm rơbâo čô ling tơhan tlaih rơngai amăng djop đơ đam dêh čar hăng neh wa Quảng Trị hmâo gơgrong kơdŏng glăi ayăt khin hơtai, pơsăn drơi, đih glăi ƀơi kual lŏn anai.

Khua git gai wai lăng pơ ala mơnuih ƀôn sang dêh čar ta, ơi Vương Đình Huệ hrŏm hăng grŭp mơnuih hyu mă bruă hmâo nao tuĭ ñang, pŭ bơnga ƀơi Pơsăt ling tơhan pơsăn drơi lŏn ia Trường Sơn. Anai lĕ anih pơdơi pơdă mơ̆ng ƀing ling tơhan pơsăn drơi amăng đơ đam dêh čar, pơsăn drơi amăng rơnuk blah kơdŏng glăi ayăt Mi, pơtlaih lŏn ia. Lu ñu lĕ ƀing tơhan pơsăn drơi ƀơi pơsăt anai plơi pla gah kơdư dêh čar. Khua git gai wai lăng pơ ala mơnuih ƀôn sang dêh čar ta hrŏm hăng grŭp hyu mă bruă hmâo tuĭ laih ñang, pơpŭ bơnga ƀơi Pơsăt ling tơhan pơsăn drơi Đường 9, anih pơdơi pơdă na nao mơ̆ng ƀing ling tơhan sông kơtang, pơsăn drơi hmâo ha tal kơdŏng blah ayăt, djru tlaih rơngai ƀơi tal blah pơ̆ Đường 9 hăng ƀơi lŏn ia gơyut Lao amăng hơdôm thun blan blah kơdŏng glăi ayăt Mi, tlaih rơngai lŏn ia./.