Lăi pơthâo kơ tơlơi hrom mơng lŏn ia amăng thun 2022, Khua git gai wai lăng pơ ala mơnuih ƀôn sang dêh čar Vương Đình Huệ lăi lĕ, Lào Cai hmâo djru klă biă amăng bôh than hrom mơng lŏn ia. Biă ñu, khul Ling tơhan pơgang guai dêh čar amăng đơ đam dêh čar hmâo laih hơdôm jơlan hơdră tŭ yua, kah hăng "Bơyan bơnga guai lŏn ia pơđao pran jua ană plơi”, “Bơyan bơnga guai lŏn ia pơđao pran jua mơnuih ƀôn sang guai dêh čar”, čơkă ană rông lĕ ƀing čơđai hmâo tơlơi hơdip tơnap tap, čem rông truh kơ ƀing čơđai prong tơdăm dra.

Ƀơi anai, Khua git gai wai lăng pơ ala mơnuih ƀôn sang dêh čar Vương Đình Huệ hmâo ƀơk laih gơnam kơ Puih kơđông pơgang guai dêh čar ƀơi Bát Xát, Puih kơđông pơgang guai lŏn ia Y Tý, Puih kơđông pơgang guai dêh čar A Mú Sang, Puih kơđông pơgang guai Trịnh Tường, Grŭp bơwih ƀong pơgang lŏn ia 345, sang anô̆ gah hơdră bruă, sang anô̆ ƀun rin, mơnuih mă bruă kơ sang bruă hăng mơnuih mă bruă hmâo tơlơi hơdip tơnap tap, neh wa djuai ania ƀiă./.