Pơ ala kơ ping gah, kơnuk kơna, sang bruă wai lăng djop djuai ania mơnuih mơnam Việt Nam, ơi Đỗ Văn Chiến mơ-it hiăp pơpŭ bơni, hok mơak hrom hrơi Noel kơ ƀing khua ơi khôp tơring đăo Xuân Lộc, hrom hăng abih bang ƀing ama ơi khôp, ƀing adơi amai, adơi ayong kom drơi kơ tơlơi đăo, mơnuih ƀôn sang đăo khô bơyan Noel hiam klă hloh.

Ơi Đỗ Văn Chiến čang rơmang, khua mua đăo, ơi khôp Đỗ Văn Ngân hrom hăng ƀing khua ơi khôp pơkŏn, ƀing adơi amai kom drơi kơ tơlơi đăo, ƀing hrăm bruă ama khôp pơtô brơi mơnuih ƀôn sang đăo khôp amăng tơring Xuân Lộc ăt pơđĭ tui pran jua pơ-ư ang djuai ania, tui hơdră ngă pơpŭ kơ ơi adai khăp kơ lŏn ia, pơgôp pran jua man pơdong lŏn ia pơđĭ kyar, rĭm čô mơnuih ƀôn sang hơmâo tơlơi hơdip trơi pơđao yâo mơak. Pơ ala kơ tơring đăo Xuân Lộc, ơi khôp Đỗ Văn Ngân pơdah pran jua bơni kơ Ping gah, kơnuk kơna hăng Khua Jơnum min djop djuai ania mơnuih mơnam Việt Nam ơi Đỗ Văn Chiến hơmâo đing nao,  bơni hơ-ơč mơak hrơi Noel thun 2022.