Pơ ala brơi khua mua Ping gah, Kơnuk kơna, ơi Đỗ Văn Chiến hơmâo bơnga, pơpŭ kơ ama prong, ƀing ama hăng mơnuih ƀon sang tui đăo khŏp sa bơyan No-el mơ-ak mơ-ai hăng bă blai bưng hiam mơng khua yang adai. Amăng hrơi blan laih rơgao, hơdôm tơlơi gum pơgôp mơng mơnuih tui đăo khŏp amăng bruă ngă tui hơdôm tơlơi črâo trun, hơdră bruă mơng Ping gah, tơlơi phiăn Kơnuk kơna, hơdôm bruă ƀơi ƀon lan hơmâo pơgôp pơjing tơring čar Bình Thuận jai hrơi hiam klă.

Khua Jơnum min djop djuai ania mơnuih mơnam Việt Nam Đỗ Văn Chiến đăo gơnang pơ anăp anai, ƀing mơnuih kŏm drơi tui tơlơi đăo hăng neh met wa amra tŏ tui pran gum pơgôp, mut hrŏm amăng pơplông khăp kơ lŏn ia, hơdip hiam tui tơlơi đăo, gum tơngan pơjing tơring čar Bình Thuân jai hrơi pơđĭ kyar.