Bruă jơnum dưi pơphun tui hơdră ƀơi anăp ƀơi Anom jơnum tơring čar hăng lăng nao rai mơng ataih truh 7 bôh anih anom gưl tơring glông hăng 71 anih anom gưl să. Nao pơhmư̆ hmâo 400 čô mơnuih ngă đang hmua mơbruă pơ ala brơi rơbêh kơ 60.000 čô mơnuih ngă đang hmua hăng rơbêh kơ 400 bôh anom mă bruă hrom, grŭp mă bruă hrom amăng tơring čar, ƀơi anăp tơña hăng ơi Hồ Văn Mười, Khua Jơnum min mơnuih ƀôn sang tơring čar Daknông kơ hơdôm tơlơi akă rơđah hăng rơkâo đĭ, čang rơmang mơng mơnuih ngă đang hmua amăng tơring čar.

Hlâo kơ anun, ƀing mơnuih ngă đang hmua, anom mă bruă hrom ƀơi Daknong hmâo mơ-ĭt laih rơbêh kơ 300 mơta tơlơi tơña truh Khua Jơnum min mơnuih ƀôn sang tơring čar, rơkâo đĭ hơdôm jơlan pơsir, hơdră bruă pơtlaih tơnap tap kơ bruă ngă đang hmua. Hơdôm tơlơi gah bruă đang hmua tơring čar đing nao lu gah bruă djru prăk yua pioh ngă đang hmua; bruă pơlir nao rai, gum hrom ngă đang hmua tui jơlan pơlir hơbit./.