Pơ ala brơi khua mua Ping gah, Kơnuk, Khua mir sir ơi Nguyễn Xuân Phúc mơ-it tơlơi tơña blan, pơpŭ thun phrâo hiam klă hloh kơ ƀing mơnuih apăn bruă, khua mua hơđăp ƀơi kual tong krah, kual lŏn hơmâo gru grua ngă hơkrŭ, hơmâo pơgôp prong prin amăng rơnuk pơjing hăng wai pơgang lŏn ia.

Khua mir sir brơi thâo, thun laih rơgao, tui tơlơi git gai mơng Ping gah, pran gơgrong, gir run, čung ba, gum hrŏm kjăp mơng hơdôm anom bruă kơđi čar, đơ đam dêh čar hơmâo lu tơlơi dưi amăng djop mơta amăng bơwih ƀong huă mơnuih mơnam, pơhlôm rơnuk rơnua lŏn ia hăng pơtom hiăp. Amăng anun, rơnoh bơwih ƀong đĭ tui, dưm dưm 8,02%. Bơwih ƀong huă pok prong hơđong, pơhlôm bơkơnar. Hăng tơlơi pơsit anăm brơi hlơi ôh dŏ glăi gah tlôn, bruă pơhlôm brơi tơlơi hơdip mơnuih mơnam ăt pơhlôm mơn, hơmâo djru brơi mơnuih mă bruă hăng rơbêh 68 klăk čô mơnuih hăng abih tih rơbêh 104 rơbâo klai prăk.