Hăng pran jua thâo khăp, pơpŭ bơni abih pran jua hăng ling tơhan sông kơtang, tơhan hơkrŭ lŏn ia, mơnuih ƀôn sang djai ƀơi Côn Đảo, amăng hrơi mông yôm, kơdrưh kơ-ang, ol kơdol amăng pran jua, Khua mir sir ơi Võ Văn Thưởng hrŏm hăng ƀing khua hơmâo nao dưm bơnga ƀơi pơsat rơgŏm ơi Lê Hồng Phong, Khua git gai Ping gah ta đưm, mơnuih khăp kơ lŏn ia Nguyễn An Ninh, Tơhan sông kơtang Võ Thị Sáu..., hơdor bơni kơ mơnuih rơgơi mơbruă mơ̆ng djuai ania ta, djai drơi pô yua kơ Lŏn ia.

Khua mir sir ơi Võ Văn Thưởng hơmâo pla kyâo hơdor lui ƀơi Pơsat Hàng Dương. Tơdơi kơ mông tŭi ñang, Khua mir sir ơi Võ Văn Thưởng hăng ƀing khua nao ngă yang huă pơsat tơhan hơkrŭ hăng mơnuih ƀôn sang khăp kơ lŏn ia djai drơi pô ƀơi Côn Đảo, tŭi ñang ƀơi boh pơtâo čih anăn 2.284 čô tơhan djai ƀơi Pra yang Côn Đảo.