Tui hăng tơlơi pơtrun, thun 2024, Khua pơ ala mơnuih ƀon sang dêh čar krăp lăng 2 kơčăo bruă hăng Khua mua pơ ala mơnuih ƀon sang dêh čar jao kơ Jơnum min apăn bruă pơ ala mơnuih ƀon sang dêh čar pơphun krăp lăng 2 kơčăo bruă pơkŏn. Rơngiao kơ anun, Tơlơi pơtrun ăt lăi rơđah mơn, kiăo tui Jơlan hơdră krăp lăng mơng khua pơ alamơnuih ƀon sang dêh čar hăng tơlơi gêh gal, tơlơi hơmâo sit nik, Jơnum min apăn bruă pơ ala mơnuih ƀon sang dêh čar, Khul wai lăng Djuai ania, hơdôm Jơnum min mơng Ƀirô khua pơ ala mơnuih ƀon sang dêh čar, khua mua pơ ala mơnuih ƀon sang hơmâo čih pơkra, prăp lui pơphun ngă Jơlan hơdră krăp lăng mơng gơñu, lăi pơthâo glăi boh than hơmâo ngă tui hăng tơlơi phiăn.

Pơplih phrâo na nao, wai lăng djơ̆, tơpă sit, črâo rơđah anih pơphun ngă, lăi pơthâo rơđah tơlơi gơgrong bruă mơng anom bruă, mơnuih mơnam hăng rơkâo pơplih pơkra, pơhrua tui đah mơng čih pơkra giong tơlơi phiăn Kơnuk kơna. Lơ 9/6, Khua mua pơ ala mơnuih ƀon sang dêh čar pơƀut bơkơtuai ƀơi grup hăng lu tơlơi yôm; amăng anun hơmâo bơkơtuai kơ Tơlơi phiăn lŏn rơnah (pơkra glăi), Tơlơi phiăn Wai lăng, pơhlôm pơgang ring bruă ling tơhan pơhang lŏn ia hăng puih kơđông tơhan.