Pơ ala brơi grup hyu mă bruă, ơi Nguyễn Hòa Bình lăng yôm hơdôm boh than dưi ngă mơ̆ tơring čar Yên Bái dưi ngă amăng thun blan laih rơgao, hăng lu hơnong pơkă amăng pơđĭ kyar bơwih ƀong huă-mơnuih mơnam dưi ngă hăng rơgao hăng tơlơi ba tơbiă, sit biă ñu lĕ hơnong pơkă hăng pơhrŏ trun ƀun rin. Laih dong rơkâo tơring čar kiăng kơsem min, pok prong hơdôm bruă mă klă, sit biă ñu hơdôm hơbô̆ bruă pơhrŏ trun ƀun rin tŭ yua kiăng hơdôm boh sang anŏ ƀun rin, giăm ƀun rin ƀơƀrư̆ tŭ mă tơlơi gum djru hăng hrưn đĭ pơklaih mơng ƀun rin hơđong tơlơi hơdip mơda.

Khua sang phat kơđi dêh čar ăt pơdah pran đăo gơnang hăng pran gir run, hrưn đĭ pơđĭ kyar, pơ anăp anai, tơring čar Yên Bái amra tŏ tui hơmâo lu tơlơi dưi yôm phăn, jing lĕ tơring čar pơđĭ kyar “Mơtah-bơkơnar-yôm phara-yâo mơ-ak” tui hơnong pơkă tui tơlơi pơtrun mơng Jơnum Ping gah tơring čar tal XIX ba tơbiă.