Khua tơring čar Dak Lak lăi glăi kơ tơlơi pơhing giăm hmâo 3.000 čô čơđai ƀu hmâo sang hră pioh hrăm
Thứ năm, 06:00, 17/08/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Ƀơi anăp tơlơi pơhing giăm truh 3.000 čô čơđai hrăm giong anih 9 ƀơi Dak Lak ră anai akă hmâo sang hră hrăm, ngă čơđai sang hră hăng amĭ ama čơđai bơngot, khua tơring čar Dak Lak hmâo lăi glăi laih tơlơi tơña mơng VOV kơ jơlan gah pơsir tơlơi anai.
Tui hăng ơi Phạm Minh Tấn, Kơ-iăng Khua git gai Ping gah tơring čar Dak Lak, kiăng pơhlôm gal brơi giăm truh kơ 3.000 čô čơđai sang hră dưi mut hrăm anih 10. Ƀơi anăp, Ping gah tơring čar črâo ba Jơnum min mơnuih ƀôn sang tơring čar hăng hơdôm bôh anom bơdjơ̆ nao pơpha dưm dăp dong prăk mă yua hăng brơi hơdră pơtrun hơdôm Sang hră pơtô pơhrăm, pơtô juăt bruă mă pok dong anih hrăm hăng kĭ pơkôl hăng nai pơtô gưl 3 amăng tơring čar pioh pơtô pơhrăm.
Gah sui thun, hrŏm hăng tuh pơplai hloh dong pok prong anih anom mă bruă, nai pơtô ƀơi tơring čar amra ngă tui jơlan gah pơplông ƀudah ruah čơđai tui lu jơlan pioh pơhlôm dưm kơnar amăng ruah sang hră hrăm tui pô dưi mơng čơđai sang hră./.
Viết bình luận