Tơring čar Bạc Liêu ră anai hơmâo 215 boh anom bơwih ƀong hrŏm, (amăng anun, 7 boh anom bơwih ƀong hrŏm hơmâo mơnuih djuai ania ƀiă mut hrŏm amăng bruă git gai, wai lăng), 2 khul pơlir bơwih ƀong hrŏm hăng 515 grup bơwih ƀong hrŏm. Jơnum min mơnuih ƀon sang tơring čar Bạc Liêu rơkâo grup mă bruă mơng Khul djuai ania mơng Ƀirô Khua pơ ala mơnuih ƀon sang dêh čar kơsem min, pơphô bruă brơi Ƀirô Khua pơ ala mơnuih ƀon sang dêh čar čih pơkra tơlơi phiăn bơwih ƀong hrŏm tui jơlan gah pơgiong hơdôm hơdră djru brơi anom bơwih ƀong hrŏm lăp djơ̆ hăng tơlơi sit nik mơng rĭm rơwang pơđĭ kyar.

Đĭ pơhiăp pơđut mông mă bruă, Kơ-iăng Khua khul djuai ania mơng Ƀirô Khua pơ ala mơnuih ƀon sang dêh čar Trần Thị Hoa Ry rơkâo Jơnum min mơnuih ƀon sang tơring čar Bạc Liêu git gai djop gơnong bruă, anom bruă bơdjơ̆ nao mă tơlơi pơgôp hiăp amăng črăn tơlơi phiăn bơwih ƀong hrŏm (čih pơkra glăi), amăng anun đing nao hơdôm hơdră pơđĭ kyar bơwih ƀong khul grup kual djuai ania ƀiă  kiăng črăn tơlơi phiăn bơwih ƀong hrŏm (čih pơkra glăi) tañ pơgiong, mơ-it nao Ƀirô Khua pơ ala mơnuih ƀon sang dêh čar amăng jơnum pơ anăp.