Kơ-iăng khua dêh čar ơi Trần Lưu Quang git gai ngă tui 3 hơdră dêh čar pơtrun kơ kual dơnung yŭ
Thứ tư, 10:19, 15/02/2023
VOV/Nay Jek pơblang
VOV/Nay Jek pơblang
VOV4.Jarai-Tlam lơ 14/2, ƀơi Sóc Trăng jơnum lăng nao rai amăng tivi kơ bruă pok pơhai 3 hơdră dêh čar pơtrun amăng kual dơnung yŭ.
Mơ̆ng thun 2021-2025, gơnong dlông jao rơnoh prăk tuh pơ alin pơđĭ kyar rơbêh 8.790 klai brơi kơ djop tơring čar gah kual dơnung yŭ pioh ngă tui 3 kơčăo bruă dêh čar pơtrun, man pơdong plơi pla phrâo, pơđĭ kyar bơwih ƀong huă amăng kual djuai ƀiă hăng kual čư̆ siăng, pơhrŏ ƀun rin hơđong kjăp. Amăng thun 2022, rơnoh prăk mơ̆ng gơnong dlông djru ngă tui 3 kơčăo bruă anun lĕ abih tih 3.279 klai.
Pơhiăp klah čun amăng mông mă bruă, Kơ-iăng khua dêh čar ơi Trần Lưu Quang rơkâo, djop ding jum anom bruă gơnong dlông amăng 3 blan tal sa thun 2023 khom ngă giong hră pơar pơtô brơi ngă tui dŏ glăi, laih anun khom pơsir abih hơdôm pok hră pơar dŏ ngă pơrơkua nao rai anun, kiăng tañ pơsir hĭ tơlơi tơnap tap kơ hơdôm tơring čar amăng kual.
Viết bình luận