Jơnum hmư̆ khua pơ ala 12 bôh tơring čar, ƀôn prong lăi pơthâo glăi kơ bôh tơhnal gum pơhiăp hră čih pơkra Tơlơi phiăn Lŏn drŏn (pơplih pơkra) mơng hơdôm gưl mơnuih ƀôn sang, hơdôm tơlơi gun lom ngă tui. Hơdôm tơring čar, ƀôn prong gum pơhiăp rơđah amăng rim črăn, akô̆, mơta tơlơi pơkă amăng hră čih Tơlơi phiăn; hơdôm tơlơi rơkâo pơplih pơkra hơdôm mơta tơlơi phiăn; Hơdôm tơlơi tơnap tơlơi gun hmâo amăng tơlơi hơdip mơda.

Hơdôm tơring čar, ƀôn prong lăi lĕ mông bơkơtuai, mă tơlơi gum pơhiăp mơng mơnuih ƀôn sang ƀiă đơi, tơnap mơng thâo rơđah, tŭ ư hrom amăng mơnuih ƀôn sang. Ƀing khua pơ ala đing nao ngă rơđah 4 mơta tơlơi prong. Sa lĕ khom rơđah hơdôm tơlơi lăi nao, khom pơsit rơđah tơlơi dưi, bruă gơgrong, bruă mă. Tơlơi tal dua lĕ tơlơi pơkă kual lŏn; Tơlơi tal 3 lĕ nua lŏn, jơlan gah pơsit nua lŏn hăng Tơlơi tal 4 lĕ pơhrui glăi lŏn, pơsir anih anom mă yua, pơdŏng glăi plơi hơđong. Kah hăng abih bang ƀing Khua pơ ala mơnuih ƀôn sang rơkâo tâ̆o hloh lui hĭ tơlơi pơsit nua lŏn, lui nua lŏn rơđah./.