Mơmŏt lơ 11/3, tui mông ƀơi dêh čar anai, Khul pơlir hơbit Khua pơ ala mơnuih ƀon sang jar kmar (IPU) tal 146 hơmâo pơphun ƀơi plơi prong jưh jom Manama, dêh čar Bahrain. Hăng anăn pơphun “pơtrut hơdip mơ-ak hăng mut hrŏm amăng abih bang mơnuih: bong glăi hơdôm pơgăng glăi”, IPU-146 pơhưč giăm 2.000 čô khua mua rai mơng giăm 140 boh dêh čar, amăng anun hơmâo 44 čô Khua pơ ala mơnuih ƀon sang dêh čar  hăng 30 čô kơ-iăng Khua pơ ala mơnuih ƀon sang dêh čar.

Amăng mông jơnum, ƀing khua mua amra pơčrông sai hơdôm bruă hrŏm kah hăng pơhlôm tơlơi hơdip rơnuk rơnua, laih dong pơlăi nao rai hơdôm bruă ječ ameč bơdjơ̆ nao bruă mă pơkŏng ƀing ngă soh, sĭ dŏp ƀing čơđai drit druai, plai ƀiă asăp carbon hăng ayuh hyiăng pơplih sat, pơgăn hĭ hơdôm tơlơi pơhing soh glăi, hơdôm boh tơhnal pơčut pơčao hăng kah djuai amăng plang internet.