Jơnum ngui sang čơ hmâo 40 čơgăn pơdă gơnam lăi pơthâo, lăi pơhing hơdôm gơnam kiăng yua hloh tui hơdră djru nua, “ƀơk gơnam – mơ-ak Tết”, amăng anun hmâo hơdôm anih pơdă gơnam “0 prăk”. Jơlan hơdră pioh 4.900 hră blơi gơnam ƀơk hơdôm bôh sang anô̆ mơnuih ƀôn sang ƀôn prong Đà Nẵng bơdjơ̆ nao ayuh hyiăng ƀu klă ngă amăng thun 2022.

Kơ-iăng Khua git gai wai lăng pơ ala mơnuih ƀôn sang Trần Quang Phương pơsit yôm hơdôm anom bruă hmâo pơphun jơlan hơdră tŭ yua, klă hiam djru mơnuih ƀun rin, hmâo tơlơi hơdip tơnap čơkă Tết pơđao pran jua. Tal anai, Kơ-iăng Khua git gai wai lăng pơ ala mơnuih ƀôn sang Trần Quang Phương nao čuă, hơ-ư̆č hmưi Tết hơdôm bôh ƀirô, anom bruă Ping gah ƀôn prong, Khul pơ ala mơnuih ƀôn sang, Jơnum min mơnuih ƀôn sang hăng Jơnum min djop djuai ania mơnuih mơnam dêh čar Việt Nam ƀôn prong Đà Nẵng./.