Pơhiăp ƀơi Jơnum min mơnuih ƀôn sang să Thanh Long, tơring glông Văn Lãng, Kơ-iăng Khua mir sir dêh čar ta yă Võ Thị Ánh Xuân djă pioh, pơsit yôm pran jua gum hrom hơbit, yak rơgao tơlơi tơnap mơng Ping gah, gong gai mơnuih ƀôn sang tơring čar Lạng Sơn lăi hrom, tơring glông Văn Lãng lăi ha jăn kiăng hmâo hơdôm bôh tơhnal yôm phăn amăng pơđĭ kyar bơwih ƀong mơnuih mơnam, pơđĭ tui tơlơi hơdip mơda mơnuih ƀôn sang.

Kơ-iăng Khua mir sir dêh čar ta rơkâo pơ̆ anăp anai, să ngă tui dong pran jua pô, hơneč mă hăng pơhrua hrom hơdôm ngăn rơnoh djơ̆ phiăn kiăng hmâo hơdôm yak phrâo amăng pơđĭ kyar bơwih ƀong mơnuih mơnam. Ƀrô djơ̆ tal anai, Kơ-iăng Khua mir sir dêh čar hmâo ƀơk laih lu anung gơnam truh hơdôm bôh sang anô̆ gah hơdră bruă, čơđai muai tơnap tap ƀơi tơring glông Văn Lãng hăng mơnuih apăn bruă tơhan, linh tơhan Puih kơđông pơgang guai dêh čar Na Hình, tơring glông Văn Lãng. Čơtlăm hrơi anun mơn, Kơ-iăng Khua mir sir dêh čar ta yă Võ Thị Ánh Xuân nao čuă, ƀơk gơnam kơ 200 čô mơnuih mă bruă tơnap tap amăng să./.