Anai jing hrơi ƀing amĭ ană mơng 39 boh tơring čar, ƀon prong, khul grup amăng Jơlan hơdră “Amĭ rông” yua Khul pơlir hơbit đah kơmơi Việt Nam pơphun. Tơdơi kơ giăm 2 phun pok pơhai, Jơlan hơdră hơmâo rơbêh 32 rơbâo čô amĭ čơkă čem rông ƀing čơđai; pơhrui hơmâo rơbêh 115 klai prăk djru wai lăng čem rông ba 19 rơbâo 760 čô čơđai drit droai, amăng anun hơmâo rơbêh 3 rơbâo čô čơđai drit amĭ ama yua klin Covid-19 ngă.

 Kơ-iăng khua mir sir lăi, jơlan hơdră anai jing anih kơnang bang hyu tơlơi khăp ƀu-eng kơ čơđai drit droai ƀơi djŏp kual lŏn. Kơ-iăng khua mir sir kiăng Khul đah kơmơi Việt Nam pơtrut tui bruă ngă hiam, hơđong kơjăp mơng hơbô̆ bruă “Amĭ rông”. Amăng hrơi blan pơ anăp, Khul đah kơmơi Việt Nam sem lăng, bang hyu dong hơdôm hơbô̆ bruă lăp djơ̆ hăng tơlơi gơgrong bruă đah mơng djru ba lu đah kơmơi, čơđai anet tơnap tap hloh dưi bơwih ƀong hơdip mơda hiam klă.