Kơ-iăng khua mir sir yă Võ Thị Ánh Xuân, Khua mir sir hơđăp ơi Nguyễn Xuân Phúc nao jơnum hrŏm hăng ƀơk prăk hrăm hră. Ƀơi mông jơnum, Khul khua mua hơmâo jao 250 anung prăk apah hrăm hră, ƀơk kơ čơđai sang hră djop gưl, čơđai sang hră gưl prong hăng mơnuih prong hrăm hră thâo hăng hur har hloh.

Đĭ pơhiăp ƀơi mông jơnum, Kơ-iăng khua mir sir, yă Võ Thị Ánh Xuân lăi: Bruă hrăm hră hăng pơhrăm tơlơi thâo abih tơlơi hơdip sa bruă kiăng ngă na nao, tơlơi kiăng mơ̆ng lŏn ia čang rơmang mơ̆ng rĭm čô mơnuih ƀôn sang dêh čar. Khul pơsur hrăm hră Việt Nam kiăng pơtrut lu hloh pơgôp hrŏm brơi bruă pơtrut pơsur hrăm hră pơar, pơsur ƀing mơnuih rơgơi kơhnâo, akŏ pơdong khul mơnuih mơnam  hur har hrăm hră amăng thun blan pơ anăp adih.