Tui anun, Jơnum min mơnuih ƀon sang tơring čar Kon Tum djru brơi rơbêh 15.900 boh sang anŏ ƀun rin rĭm boh sang anŏ 600.000 prăk hăng rơbêh 8.800 boh sang anŏ giăm ƀun rin rĭm boh sang anŏ 300.000 pioh ƀong tết mơ-ak. Hăng rơnoh prăk djru Tết kơ sang anŏ ƀun rin rơbêh 9 klai 500 klăk prăk Jơnum min mơnuih ƀon sang tơring čar Kon Tum kah mă mơng ngăn drăp hăng rơnoh pơhrui pơhlôm, pơkrem thun 2022.

Kơ rơnoh prăk djru Tết brơi sang anŏ giăm ƀun rin rơbêh 2 klai 600 klăk prăk, Jơnum min mơnuih ƀon sang tơring čar Kon Tum rơkâo hơdôm boh tơring glông, plơi prong gơgrong kah pha ngăn drăp, laih dong gum hrŏm hăng khul grup, ƀing mơnuih amăng tơring čar hăng gah rơngiao hluai tui Keh prăk yua mơnuih ƀun rin pơhlôm bơkơnar prăk djru.