Pơhiăp ƀơi mông Jơnum, ơi Dương Văn Trang, Ding kơna Ping gah dêh čar, Khua git gai Ping gah tơring čar, Khua Jơnum min pơ ala mơnuih ƀôn sang tơring čar, Khua git gai pơgăn hưp ham ƀong kông ngăn, tơlơi soh sat tơring čar Kon Tum brơi thâo, hrơi blan rơgao, Khul khua apăn bruă git gai Ping gah tơring čar Kon Tum hơmâo git gai djŏp gưl ping gah pơphun ngă tui khŏp, dưm kơnar tơlơi git gai črâo bruă mơ̆ng Ping gah, tơlơi phiăn mơ̆ng Kơnuk kơna kơ pơgăn hưp ham ƀong kông ngăn; akŏ pơdong tañ Anom git gai pơgăn hưp ham ƀong kông ngăn, ngă bruă ƀu klă tơring čar; hyu hơduah ĕp, wai lăng na nao bruă pơgăn hưp ham ƀong kông ngăn hăng ngă bruă ƀu klă; git gai hyu pel ĕp tañ, pơsir kơđi ngă soh; kơđi ƀong kông ngăn kơnuk kơna; hơdră pơgang hlâo hơmâo pơphun ngă dưm kơnar; hơdôm kơđi ngă soh hưp ham ƀong kông ngăn, ngă bruă ƀu klă hơmâo ƀuh tañ, bơtơhmal khut khăt.