Anai jing bruă iâu pơthưr yôm biă mă yua dah amăng mrô rơbêh 610.000 čô mơnuih mơ̆ng tơring čar Kon Tum, mơnuih djuai ƀiă hơmâo 55% tơlơi hơdip hơmâo lu tơnap tap hăng mrô sang anŏ djuai ƀiă rin hơmâo truh kơ 95% boh sang anŏ rin mơ̆ng tơring čar. Kiăng dưi ngă tơlơi pơkă truh pơ thun 2025, tơring čar Kon Tum hơmâo mơ̆ng 70% boh sang anŏ djuai ƀiă rin, giăm rin pơplih phrâo tơlơi pơmin, lui hĭ tơlơi phiăn ƀu hiam, gir tơbiă anăn rin ƀun; rơbêh 25% boh sang anŏ rin hăng giăm rin djuai ania ƀiă hơmâo tơlơi hơdip mơda đĭ laih, Khul khua apăn bruă git gai Ping gah tơring čar Kon Tum hơmâo lu hơdră ngă bruă kah hăng: pơtrut tui tơlơi gơgrong bruă git gai mơ̆ng ping gah hăng hơdră ngă bruă “Nao tơl anih, pơpoh tơl sang”, “Pơtô na nao khŏm thâo hluh mơn”, “Djă tơngan črâo bruă”; pơmut hrŏm hơdôm Jơlan hơdră dêh čar pơtrun...