Amăng blan gum djru khăp păp thun 2023, Khul ia jrao kyâu bơrơkal mriah tơring čar Kon Tum hrưn đĭ gum djru mơng 2.000 truh kơ 3.000 rơbâo wot čô mơnuih hmâo tơlơi tơnap tap; pơdŏng ring bruă gum djru khăp păp hmâo nua 150 klăk prăk; pơdŏng 10 bôh sang gah ia jrao kyâu bơrơkal mriah hmâo nua mơng 300 klăk prăk hăng lu hloh; lăi pơhing ƀơi anăp hăng lăi pơthâo brơi 1.000 wot čô mơnuih gah bôh than, bôh tŭ yua mơng bruă brơi drah gum djru.

Pơhiăp amăng mông ngă Lơphet pok phun Blan gum djru khăp păp thun anai, yă Y Ngọc, Kơ-iăng Khua Jơnum min mơnuih ƀôn sang tơring čar Kon Tum bơni Khul ia jrao kyâu bơrơkal mriah hơdôm gưl amăng Blan gum djru khăp păp thun 2022 hmâo iâu pơhrui hmâo laih giăm truh 6 klai prăk djru rơbêh kơ 11.800 wot čô mơnuih tơnap tap./.