Ră anai hlăk amăng bơyan phang, anom bruă ngă hmua tơring čar Kon Tum hơmâo 178 ring bruă pơkong ia hlăk djop brơi 16 rơbâo 600 ha phun pla djop mơta. Khă tui anun, yua hơdôm ring bruă pok pơhai ia lu pioh bruih kơ phun pla sit năng ai amra kơƀah ia amăng sa dua bit anih rơnuč bơyan không.

Him lăng mơ̆ng ră anai truh abih bơyan phang, hơmâo 250 ha phun pla či kơƀah ia. Kiăng pơhlôm đut tơhnal hŭi kơƀah ia bruih kơ phun pla, djop anom bruă kơnuk kơna hơmâo tơlơi dưi jao, prăp lui hlâo hơdră pơhlôm kơƀah ia kơ phun pla kah hăng: pơphun kuăi hnoh ia, rơnăk glông hnoh ia rô kiăng hơmâo ia bruih kơ phun pla huăi djai krô amăng bơyan phang khôt.