Lăi pơthâo tơlơi pơtrun mơng Khua gơgrong bruă Khua mir sir jăng jai kơ Tơlơi phiăn phrâo dưi hmâo Khua git gai wai lăng pơ ala mơnuih ƀôn sang dêh čar pel ĕp
Thứ bảy, 09:48, 04/02/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Mơguah lơ 3/2, ƀơi Ƀirô Khua mir sir, Anom bruă Khua mir sir pơphun jơnum hăng mơnuih mă tơlơi pơhing lăi pơthâo Tơlơi pơtrun mơng Khua gơgrong bruă Khua mir sir jăng jai lăi pơthâo Tơlơi phiăn pel ĕp tơlơi pơtrun, pơjrao tơlơi ruă phrâo dưi hmâo Khua pơ ala mơnuih ƀôn sang dêh čar tal 15, pel ĕp hăng mă yua mơng lơ 1/1/2024.
Tơlơi phiăn pel ĕp, pơjrao tơlơi ruă hmâo 12 jơlan hơdră hăng 121 mơta tơlơi, amăng anun hmâo tơlơi pơkă hơdôm mơta tơlơi phrâo: Gah pơđĭ tui anô̆ klă bruă pel ĕp, pơjrao tơlơi ruă, Tơlơi phiăn pơhrua nao laih tơlơi pơkă khom ngă anom bruă pơsit mă pô anô̆ klă pel ĕp, pơjrao tơlơi ruă tui tơhnal pơkă klă kơjăp yua kơ Ding jum ia jrao mă yua tui tơlơi pơkă tơđar rim thun hăng khom lăi pơthâo bôh thâo pơsit mă pô ƀơi Glông pơhing gah wai lăng bruă pel ĕp, pơjrao tơlơi ruă kiăng ngă gru kơ bruă pel ĕp, pơsit ăt kah hăng lăi pơdah tơlơi pơhing kơ rơnoh klă mơng hơdôm anih anom pel ĕp, pơjrao tơlơi ruă./.
Viết bình luận