Anai lĕ sang dŏ mơnuih mơnam blung a amăng tơring čar Lâm Đồng hơmâo pok pơhai man pơdong amăng kual mơnuih djuai ania ƀiă. Ring bruă anai hơmâo abih tih prăk tuh pơ alin lĕ rơbêh 200 klai prăk, hơmâo man pơdong đơ đam 18.000 met karê, hơmâo 4 boh sang glông 5 črăn, hăng 303 anih dŏ laih dong 68 anih yua mă bruă, bơwih ƀong sĭ mơdrô. Tơdơi kơ man pơdong giong hăng dưi mă yua amra pơhlôm brơi sang dŏ kơ giăm 1.500 čô kông nhơn, mơnuih mă bruă ƀơi sang măi Phú Hội hăng mơnuih hơmâo prăk pơhrui aset amăng tơring glông.

Đĭ pơhiăp amăng mông pơphun man pơdong sang, ơi Trần Văn Hiệp, Khua Jơnum min mơnuih ƀon sang tơring čar Lâm Đồng brơi thâo, tơring čar glăk gir run đing nao ngă tui hơnong pơkă man pơdong 2.980 boh sang dŏ mơnuih mơnam rơwang thun 2021-2030, amăng anun hơmâo 500 boh sang brơi kơ kông nhơn.