Amăng mông jơnum pok pơhai bruă jao thun 2023 mơng Khul gum hrŏm lăi pơthâo, pơtô pơblang tơlơi phiăn gơnong glông pơphun amăng tlam lơ 16/3, ƀơi Ƀirô Kơnuk kơna, ƀing ding kơna amăng Khul hơmâo pơčrông sai kơ hơdră ngă tui hơnong pơkă: Truh thun 2030, pran lăng yôm phaih phiăn, tơlơi phiăn kiăng jing tơlơi pơkă amăng tơlơi hơdip mơnuih mơnam. Kơ-iăng Khua dêh čar ơi Trần Lưu Quang, Khua khul gum hrŏm lăi pơthâo, pơtô pơblang tơlơi phiăn gơnong glông git gai mông jơnum.

Hrŏm hăng bruă rơkâo tŏ ngă tui pran gơgrong mơng anom bruă pôr pơhing, kơtưn krăo lăng, ƀing ding kơna amăng Khul gơnong glông ăt rơkâo Kơnuk kơna dưm dăp mơnuih apăn bruă kiăng pok pơhai bruă lăi pơthâo, pơtô pơblang tơlơi phiăn, sit biă ñu hăng ƀing đing nao hloh, mơnuih djuai ania ƀiă, hơdôm kual čư̆ siăng kriang pơtâo, kual ataih asuek, kual tơlơi bơwih ƀong huă tơnap tap hăng kual akŏ phun amăng wai pơgang rơnuk rơnua.