Tal Tết tui phiăn juăt Quý Mão, Khul ia jrao kyâu bơrơkal mriah tơring čar Daknông gum hrom hăng hơdôm mơnuih gum djru hmâo nao ƀơk brơi laih 1.000 anung gơnam tam kơ mơnuih ƀôn sang hmâo tơlơi hơdip tơnap amăng 2 bôh tơring glông asuek lĕ Dak Glong hăng Krông Nô. Rim anung gơnam hmâo nua 500 rơbâo prăk, mơ-ĭt pran jua kiăng khăp, lăng ba, gum djru hăng čang rơmang djop mơnuih, djop sang leng kơ hmâo Tết.

Hrom hăng anun, ƀơi 5 bôh tơring glông amăng tơring čar pơphun “Sang čơ gum djru” sĭ hơdôm mơta gơnam kiăng yua hloh kơ mơnuih ƀôn sang tơnap tap. Grŭp pơphun pha brơi 1000 pok hră ( hmâo nua 600.000 prăk) kiăng mơnuih ƀôn sang blơi mă gơnam pô kiăng. Khul mut phung tơring čar Daknông pơphun Jơlan hơdră “Tết tum jơngum – Bơyan bơnga pơkĕ hrom” kơ mơnuih mă bruă ƀơi sang măi, mơnuih mă bruă hmâo tơlơi hơdip tơnap. Jơlan hơdră hmâo jao laih hơdôm rơtuh anung gơnam, hăng abih bang nua ñu 180 klăk prăk, djru hơdôm mơnuih amăng khul hmâo dong tơlơi gal ƀong Tết./.